25 de Novembro

Queremos conmemorar este 25 de novembro con unha mensaxe positiva, valorando a cultura da non violencia. Por iso, baixo o lema "Chea de vida" (a canción de Guadi Galego que escollemos como guía), reunimos unha colección de títulos que nos poden achegar a mellorar a convivencia sen discriminación por razón de xénero. Aproveitamos para agradecer á Biblioteca Pública Municipal "Ánxel Fole" a súa colaboración.

Se queres máis información sobre esta celebración, podes consultar a entrada do curso pasado, onde se recollen datos relevantes sobre a data. 

Apertura da Biblioteca

Hoxe o alumnado de primaria poderá empezar a usar a biblioteca. Sabémolo porque recibimos nas nosas aulas a carta do Señor Pippin recordando o que podemos facer na biblioteca. Este curso prestaremos especial atención a coidar de todo o material, e respectar os espazos para o seu uso. O señor Pippin recórdanolo todo nesta carta. Os máis pequenos, que estamos aprendendo a utilizala, recibiremos a axuda dos maiores, que coidaron de ela antes ca nós. 

Mercadiño "Troco e Trato"

Desde o luns, día 6 de novembro, e ata o xoves, 9 manteremos aberto o "Mercadiño de Outono: troco e trato". Queremos darlle unha nova vida aos libros que tiveron un breve paso pola nosa biblioteca, e esperamos que os acollades nas vosas casas. So tés que deixarnos 5 castañas a cambio de cada libro.

Se queres participar traendo castañas, pero non levando libros, tamén caben no cesto... Feliz Magosto!

O MAGOSTO

Pois parece mentira... case sen respirar chegamos do Samaín ao Magosto... Para acompañalo, podemos empezar a ambientarnos con un rap ben sinxeliño... 

  

E mentres cantamos, por que non imos aprender algo máis sobre esta festa? De onde ven o nome de "Magosto"? E as castañas, de onde saen? Que teñen de especial? No repositorio ABALAR, atopamos estes recursos:

Aquí tés información e actividades interactivas para poder respostar a calquera pregunta que se che ocorra sobre o Magosto.

E se pinchas na imaxe de embaixo, podes acceder ao material fotocopiable preparado polo C.E.I.P. "Galán", e elaborar un "minilibro" sobre a festa (1º e 2º ciclo):

Podes acceder tamén aos materiais para 5º e 6º.

Desde aquí podes acceder ao conto da "Castaña Dorinda", e aos materiais preparados desde o C.E.I.P. "Victor Sáenz". 

O Samaín

Achégase o 31 de Outubro, víspera da celebración de "Todos os Santos"... O Samaín! Unha das nosas celebracións favoritas.

Na biblioteca tedes unha selección de libros que falan sobre esta festa, e sobre os medos.....

Para ir quentando motores, aquí vos queda o video da canción que cantaremos este outono:

Guía do usuario

Para aprender a aproveitar a biblioteca podes consultar a nosa "Guía do usuario". Nela atoparás o plano da biblioteca, a lista de servizos que podes utilizar, as normas de uso, e unhas breves orientacións sobre como atopar o exemplar (libro, película, Cd) que buscas. Preme na imaxe para poder lelo.

24 de Outubro, Día da Biblioteca

Cada 24 de outubro celebramos o "Día da Biblioteca", en lembranza do incendio da Biblioteca de Saraievo durante a Guerra dos Balcáns, no ano 1992. Aproveitaremos para reflexionar sobre a importancia de conservar o saber, de formarnos como cidadáns responsables, e de utilizar a biblioteca como punto de encontro. 

Cada ano, a "Asociación de Amigos del Libro infantil y Juvenil" escolle un escritor para que conte a súa historia relacionada cos libros, e un ilustrador que sexa quen de representala en imaxes. 

Este ano, Alejandro Palomas (Premio Nacional de Literatura Infantil 2016) é quen escribe sobre os seus recordos de neno, e Manuel Marsol (Premio Internacional de Ilustración Feria de Bolonia - Fundación SM), quen aporta o cartaz. 

Podes ler o texto "Como Mary Poppins, pero sin volar" premendo na imaxe.

2 de abril, día do Libro Infantil e Xuvenil

Todos os anos, coincidindo co aniversario do nacemento de Hans Christian Andersen, celebramos o "Día Internacional do Libro Infantil e Xuvenil".

Cada ano o IBBY escolle un autor e un ilustrador para difundir a celebración, e este ano foi a federación rusa a encargada. O poeta Sergey Makhotin foi o encargado do texto, e Mikhail Fedorov o da ilustración. 

Se queres celebralo ti tamén, podes aproveitar para reler contos de Andersen. Cantos coñeces? Gustaríache debuxar como imaxinas ti ao soldadiño de chumbo, a sereíña ou ao vaidoso rei nú? Participa na nosa exposición. 

30 de xaneiro, día da Paz

O día 30 de xaneiro celebramos o "Día Escolar da non violencia e a Paz", conmemorando a morte dun dos maiores defensores da Paz: Gandhi. 

Unha das súas seguidoras, Indira Gandhi, deixounos esta marabillosa frase: "Co puño fechado non se pode dar a man". Por iso, a man aberta é considerada un símbolo de Paz. Se xuntamos as nosas mans, abrimos a porta á amizade, á comprensión e aos aloumiños. E non hai mellor aloumiño que unha aperta. Por iso, neste día da Paz escollemos a canción "A rumba das apertas", que nos acompañará durante a celebración do día 30.

Se queres aprendela ben, podes baixar a letra premendo aquí. 

Déixovos un video no que se podemos ver o ben que nos fai esta canción.